వెంకీ ‘గంగా ది బాడీగార్డ్’ అక్టోబర్ 21న?

విక్టరీ వెంకటేష్ ‘గంగా ది బాడీగార్డు’ సినిమా అక్టోబర్ 21న ప్రేక్షకుల ముందుకు తీసుకువచ్చేందుకు నిర్మాతలు కసరత్తు చేస్తున్నట్లు తెలుస్తూంది. సినీవర్గాల నుంచి అందిన సమాచారం ప్రకారం ప్రస్తుతం హైదరాబాద్ పరిసర ప్రాంతాల్లో ఈ సినిమా షూటింగ్ జరుగుతుందని, షూటింగ్ చివరి దరశకు చేకుందని తెలిసింది. సెప్టెంబర్ మాసాంతంలోగా షూటింగ్ పూర్తి చేసుకుని...అనంతం పోస్టు ప్రొడక్షన్ పనులు కంప్లీట్ చేసుకుని విడుదల చేయడానికి కసరత్తు చేస్తున్నారు.

ఈ సినిమాలో వెంకీ సరసన త్రిష లీడ్ రోల్ చేస్తుండగా, సలోని ముఖ్య పాత్రలో కనిపించనుంది. గోపీ చంద్ మలినేని దర్శకత్వం వహిస్తున్న ఈ చిత్రాన్నిశ్రీసాయి గణేష్ ప్రొడక్షన్స్ బ్యానర్ పై నిర్మాత బెల్లంకొండ సురేష్ నిర్మిస్తున్నారు. మళయాళంలో సూపర్ హిట్టయిన బాడీగార్డు సినిమాకు ఇది రీమేక్. తమిళంలోఇప్పటికే కావలన్ పేరుతో రీమేక్ చేశారు. హీందీ వర్షన్లో సల్మాన్ ఖాన్ హీరోగా ‘బాడీగార్డ్’ సినిమా రూపొందింది. హిందీ బాడీగార్డు ప్రపంచ వ్యాప్తంగా ఈరోజు(ఆగస్టు 31,2011) విడుదలవుతోంది.